15–16 აპრილს, იურიდიული დახმარების სამსახურის თელავის ბიუროს ადვოკატებმა მონაწილეობა მიიღეს ინოვაციებისა და რეფორმების ცენტრისა (IRC) და მისი პარტნიორი არასამთავრობო ორგანიზაციების მიერ მოწყობილ გასვლით კონსულტაციაში, რომელიც ახმეტის მუნიციპალიტეტის სამ სოფელში – დუისში, წინუბანსა და ქორეთში ჩატარდა.
გასვლითი კონსულტაციის ფარგლებში, იურისტებმა ადგილობრივ მოქალაქეებს, მოქალაქეობის არმქონე პირებს, ლტოლვილებსა და მიგრანტებს იურიდიული კონსულტაცია გაუწიეს შემდეგ საკითხებზე: დაბადებისა და სხვა სამოქალაქო აქტების რეგისტრაცია; პირადობის/ბინადრობის დამადასტურებელი დოკუმენტების მიღება; მოქალაქეობის არმქონე პირის სტატუსის და ლტოლვილის სტატუსის მიღება, საქართველოს მოქალაქეობის მოპოვება; მოქალაქეობასა და მიგრაციასთან დაკავშირებული სხვა საკითხები; ოჯახური ძალადობისა და ადამიანით ვაჭრობის (ტრეფიკინგის) მსხვერპლთა დაცვა და მათი უფლებები; უძრავ ქონებაზე უფლების რეგისტრაცია, მემკვიდრეობა, ალიმენტი, სახელშეკრულებო ურთიერთობები, სხვა საკითხები.
იურიდიული დახმარების სამსახურსა და ინოვაციებისა და რეფორმების ცენტრთან ერთად, გასვლით კონსულტაციაში მონაწილეობას მიიღეს: კახეთის რეგიონალური განვითარების ფონდმა (KRDF), საქართველოს გაეროს ასოციაციამ (UNAG) და ევროპული სამართლისა და ადამიანის უფლებათა საერთაშორისო სამართლის ინსტიტუტმა (ELHRILI).
გასვლითი სამართლებრივი კონსულტაცია ჩატარდა გაეროს ლტოლვილთა უმაღლესი კომისარიატისა და ევროკავშირის მხარდაჭერით.