2025 წლის 23 ივნისს, სსიპ იურიდიული დახმარების სამსახურის დირექტორმა დავით სიმონიამ, საქართველოს პარლამენტის იურიდიულ საკითხთა კომიტეტის წევრებს წარუდგინა სსიპ იურიდიული დახმარების სამსახურის  2024 წლის საქმიანობის ანგარიში. 

დავით სიმონიამ ყურადღება გაამახვილა სტატისტიკურ მონაცემებზე:

• 2024 წელს იურიდიული დახმარების სამსახურის მიერ:
• წარმოებაში იქნა მიღებულ 21 512 საქმე;
• გაწეულ იქნა 21 104 კონსულტაცია;
• შედგენილ იქნა 2 629 სამართლებრივი დოკუმენტი.
• საზოგადოებრივი ადვოკატების ძალისხმევით 2024 წელს დადგა 111 გამამართლებელი განაჩენი. 

სამსახურის მიზნებს შორისაა მოსახლეობის ხელმისაწვდომობის გაზრდა უფასო იურიდიული დახმარების სერვისებზე და საზოგადოების ცნობიერების ამაღლება. 

• 2024 წელს, იურიდიული დახმარების სამსახურმა ჩაატარა 121 საინფორმაციო გასვლითი შეხვედრა, რომელსაც საერთო ჯამში დაესწრო 6000-მდე ადამიანი. 

ამ მხრივ განსაკუთრებით ნაყოფიერი იყო იურიდიული დახმარების სამსახურის მობილური საკონსულტაციო ცენტრის მუშაობა. ჩატარდა 62 შეხვედრა გურიაში,  სამეგრელოსა და შიდა ქართლის რეგიონებში, მათ შორის, მაღალმთიან და ოკუპირებულ ზონასთან ახლომდებარე სოფლებში. ასეულობით ადამიანს გაეწია უფასო სამართლებრივი კონსულტაცია.

დავით სიმონიამ უპასუხა კომიტეტის წევრთა შეკითხვებს.

• უკან დაბრუნება