იურიდიული დახმარების სამსახურის კახეთის ბიუროს ადვოკატის გია ფარადაშვილის ძალისხმევით, ყაჩაღობაში ბრალდებული გიორგი ო.-ს მიმართ სისხლისსამართლებრივი დევნა შეწყდა. საზოგადოებრივი ადვოკატის დაცვის ქვეშ მყოფს ბრალად ედებოდა ბინაში უკანონო შეღწევით ყაჩაღობის ჩადენა, რაც სასჯელის სახით რვიდან თორმეტ წლამდე თავისუფლების აღკვეთას ითვალისწინებს. ამასთან, გიორგი ო. იყო ნასამართლევი და სხვისი ქონების მითვისებისა და გაფლანგვისათვის პირობით სასჯელს იხდიდა.

ბათუმში დღეს დასრულდა საზოგადოებრივი ადვოკატებისათვის ორგანიზებული ტრენინგი, რომელიც დამარწმუნებელი კომუნიკაციასა და პრეზენტაციის უნარ-ჩვევებს ეხებოდა. სწავლება ჩატარდა ევროკავშირის ”კანონის უზენაესობის მხარდაჭერის” პროექტის ფარგლებში, რომლის ერთ-ერთ კომპონენტს სასჯელაღსრულების, პრობაციისა და იურიდიული დახმარების საკითხთა სამინისტროს იურიდიული დახმარების სამსახურის ადამიანური რესურსების განვითარება წარმოადგენს.

30-31 ივლისს, იურიდიული დახმარების სამსახურის იმერეთის-ქუთაისის ბიურომ უმასპინძლა ოჯახში ძალადობის საკითხებზე ორგანიზებულ ტრენინგს, რომელსაც საშტატო და მოწვეული საზოგადოებრივი ადვოკატები დაესწრნენ. სწავლება ჩატარდა ტრეფიკინგის მსხვერპლთა, დაზარალებულთა დაცვისა და დახმარების სახელმწიფო ფონდის ორგანიზებით.

იურიდიული დახმარების სამსახურის იმერეთის-ქუთაისის ბიუროს იურისტები დღეს სამტრედიის რაიონის სოფელ დიდ ჯიხაიშს სტუმრობდნენ. ვიზიტის მიზანი იყო ადგილობრივი მოსახლეობის სამართლებრივი პრობლემების შესწავლა და უფასო კონსულტაციების გაწევა.