1. იმ ადმინისტრაციულ ორგანოს, რომელიც უფლებამოსილია გადაწყვიტოს კონკრეტული საკითხი, ნებისმიერმა პირმა უნდა მიმართოს წერილობითი განცხადებით 2. წერილობითი განცხადება მოიცავს: - ადმინისტრაციული ორგანოს დასახელება, რომელსაც მივმართავთ; - განმცხადებლის სახელი, გვარი, მისამართი; - განცხადების წარდგენის თარიღი და განმცხადებლის ხელმოწერა; - განცხადებაზე დართული დოკუმენტები. 3. ადმინისტრაციული ორგანო ვალდებულია რეგისტრაციაში გაატაროს განცხადება მიღების დღესვე და დასვას მასზე რეგისტრაციის თარიღი და ნომერი. 4. ადმინისტრაციული ორგანო ვალდებულია განმცხადებლის მოთხოვნით გადასცეს მას განცხადების რეგისტრაციის დამადასტურებელი დოკუმენტი.

1. ადმინისტრაციულმა ორგანომ განცხადება უნდა განიხილოს და გადაწყვეტილება მიიღოს განცხადების შესვლიდან ერთი თვის ვადაში. 2. თუ ადმინისტრაციული ორგანო დაადგენს, რომ განცხადებაში დასმული საკითხის გადაწყვეტა არ განეკუთვნება მის უფლებამოსილებას, იგი ვალდებულია განცხადება და თანდართული დოკუმენტები 5 დღის ვადაში გადაუგზავნოს სხვა უფლებამოსილ ადმინისტრაციულ ორგანოს და აცნობოს განმცხადებელს. 3. თუ განცხადების განხილვისა და გადაწყვეტილების მიღებისათვის აუცილებელია დამატებითი დოკუმენტაცია, ადმინისტრაციული ორგანო განმცხადებელს განუსაზღვრავს არანაკლებ 5 დღიან ვადას დამატებითი საჭირო დოკუმენტაციის წარმოსადგენად. 4. განმცხადებლის მოთხოვნით, დამატებითი საჭირო დოკუმენტაციის წარსადგენად ვადა ადმინისტრაციულ ორგანოს შეუძლია გაზარდოს, მაგრამ არაუმეტეს 15 დღით. 5. თუ განმცხადებელი დადგენილ ვადაში ვერ წარადგენს განცხადების განხილვისა და გადაწყვეტილების მიღებისათვის აუცილებელ დამატებით დოკუმენტაციას, ადმინისტრაციულ ორგანოს შეუძლია არ განიხილოს განცხადება.

1. ყველას აქვს უფლება წარმომადგენლის ან/და ადვოკატის მეშვეობით აწარმოოს ურთიერთობა ადმინისტრაციულ ორგანოსათან. 2. ადმინისტრაციულ ორგანოსთან წარმოადგენელის მეშვეობით ურთიერთობა სავალდებულოა შემდეგ შემთხვევებში: - თუ პირს არ აქვს მუდმივი საცხოვრებელი ადგილი, მან ადმინისტრაციულ ორგანოსთან ურთიერთობა უნდა აწარმოოს ისეთი წარმომადგენლის მეშვეობით, რომელსაც გააჩნია მუდმივი საცხოვრებელი ადგილი. - თუ ადმინისტრაციულ ორგანოში განცხადება შეიტანა 25-ზე მეტმა პირმა.