1. მხარეთა შეთანხმების საფუძველზე, მათ შორის არსებული სამოქალაქო დავა შეიძლება განიხილოს არბიტრაჟმა. 2. შეთანხმება არბიტრაჟის დანიშვნის შესახებ უნდა დაიდოს მხოლოდ წერილობითი ფორმით.

1. არბიტრი შეიძლება იყოს ნებისმიერი პირი. 2. არბიტრად არ შეიძლება დანიშნული იქნეს: - ქმედუუნარი და შეზღუდულქმედუნარიანი პირი; - სახელმწიფო-პოლიტიკური თანამდებობის პირი; - დანაშაულის ჩადენისათვის მსჯავრდებული პირი, რომელსაც მოხსნილი ან გაქარწყლებული არ აქვს ნასამართლობა.

1. არბიტრებს ნიშნავენ მხარეები შეთანხმების საფუძველზე. 2. აუცილებელია პირის წერილობითი თანხმობა მისი არბიტრად დანიშვნის თაობაზე.

1. არბიტრთა რაოდენობა განისაზღვრება მხარეთა შეთანხმებით. 2. დავა განსახილველად შესაძლებელია გადაეცეს ერთ არბიტრს. 3. თუ მხარეების მიერ განსაზღვრულ არბიტრთა რაოდენობა ორზე იყოფა, დანიშნული არბიტრები ვალდებულნი არიან 10 დღის ვადაში დანიშნონ კიდევ ერთი არბიტრი. 4. თუ მხარეები ვერ შეთანხმდებიან არბიტრთა რაოდენობაზე, მაშინ არბიტრაჟი იქმნება სამი არბიტრის შეადგენლობით.

1. თუ არბიტრაჟი რამოდენიმე არბიტრისაგან შედგება, გადაწყვეტილება მიიღება ხმათა უბრალო უმრავლესობით. 2. არბიტრს უფლება არ აქვს თავი შეიკავოს ხმის მიცემისაგან.

1. საარბიტრაჟო გადაწყვეტილება გამოტანილ უნდა იქნეს საარბიტრაჟო განხილვის დაწყებიდან 180 დღის ვადაში, თუ მხარეთა შეთანხმებით სხვა ვადა არ არის დადგენილი. 2. დასაშვებია განხილვის ვადის გაგრძელება არაუმეტეს 180 დღით.

არბიტრაჟის გადაწყვეტილების გაუქმების უფლება აქვს სასამართლოს შემდეგ შემთხვევებში: 1. საარბიტრაჟო შეთანხმების მხარე იყო ქმედუუნარო; 2. საარბიტრაჟო შეთანხმება ბათილია ან ძალადაკარგულია; 3. მხარეს არ მიეცა შესაძლებლობა დასწრებოდა საარბიტრაჟო განხილვებს; 4. არბიტრაჟის გადაწყვეტილება შეეხო იმ საკითხს, რომელიც არ იყო გათვალისწინებული საარბიტრაჟო შეთანხმებით; 5. არბიტრაჟის შემადგენლობა არ შეესაბამებოდა მხარეთა შეთანხმებას ან/და კანონის მოთხოვნებს; 6. დავა არ შეიძლებოდა განხილულიყო არბიტრაჟის მიერ; 7. არბიტრაჟის გადაწყვეტილება ეწინააღმდეგება საჯარო წესრიგს.

განცხადება საარბიტრაჟო გადაწყვეტილების გაუქმების შესახებ შეიძლება შეტანილ იქნეს სასამართლოში მხარეთათვის გადაწყვეტილების ჩაბარებიდან 90 დღის განმავლობაში