1. პირს, რომელსაც სასამართლომ დააკისრა კონკრეტული ვალდებულებები, ეძლევა შესაძლებლობა ნებაყოფლობით აღასრულოს სასამართლოს გადაწყვეტილება 7 დღის განმავლობაში მას შემდეგ, რაც აღმასრულებელი ჩააბარებს შეტყობინებას. 2. თუ პირი ნებაყოფლობით არ აღასრულებს სასამართლო გადაწყვეტილებას, აღსრულება წარმოებს მისი კუთვნილი მოძრავი და უძრავი ქონებიდან. 3. თუ პირს საერთოდ არ გააჩნია უძრავი ან მოძრავი ქონება, იგი შეიყვანება მოვალეთა რეესტრში და როგორც კი გაუჩნდება მოძრავი ან უძრავი ქონება ან სხვა ტიპის შემოსავალი, მაშინვე დაიწყება სასამართლოს გადაწყვეტილების აღსრულება.

1. დაუყოვნებლივ აღსრულდება სასამართლო გადაწყვეტილებები: - ალიმენტის მიკუთვნების შესახებ; - დასახიჩრებით ან ჯანმრთელობის სხვა დაზიანებით, აგრეთვე მარჩენალის სიკვდილით გამოწვეული ზიანის ასანაზღაურებლად გადასახადების დაკისრების შესახებ; - მუშაკისთვის არა უმეტეს 3 თვის ხელფასის მიკუთვნების შესახებ; - უკანონოდ დათხოვნილი ან გადაყვანილი მუშაკის სამუშაოზე აღდგენის შესახებ; - თამასუქისა და ჩეკის თაობაზე გამოტანილი გადაწყვეტილებები. 2. დაუყოვნებლივ აღსრულებას შეიძლება შეიძლება დაექვემდებაროს სხვა სახის გადაწყვეტილებებიც, თუ აღსრულების დაყოვნებამ შეიძლება გამოიწვიოს მნიშვნელოვანი ზიანი ან შეუძლებელი გახადოს გადაწყვეტილების მომავალში აღსრულება. 3. დაუყოვნებლივ აღსრულდება ასევე გადაწყვეტილებები, თუ მათი დაუყოვნებლივ აღსრულება მხარეთა შორის დადებული ხელშეკრულებით არის გათვალისწინებული.

აღსრულებული გადაწყვეტილების გაუქმების შემთხვევაში მხარე ვალდებულია მეორე მხარეს დაუბრუნოს ყველაფერი რაც მან მიიღო გაუქმებული გადაწყვეტილების შესაბამისად.