1. უფლებაუნარიანობა არის პირის უნარი ჰქონდეს სამოქალაქო უფლებები და მოვალეობები; 2. უფლებაუნარიანობა წარმოიშობა დაბადების მომენტიდან, ხოლო მემკვიდრედ ყოფნის უფლება წარმოიშობა ჩასახვისთანავე; 3. უფლებაუნარიანობა წყდება პირის გარდაცვალებისას.

ადამიანის გარდაცვალებად ითვლება თავის ტვინის ფუნქციონირების შეწყვეტა.

1. ქმედუნარიანობა არის პირის უნარი საკუთარი ნება-სურვილით შეიძინოს და განახორციელოს სამოქალაქო უფლებები და მოვალეობები; 2. ქმედუნარიანობა წარმოიშობა პირის სრულწლოვანების – 18 წლის ასაკის მიღწევისას; 3. ქმედუნარიანობა ასევე წარმოიშობა მაშინ, როდესაც პირი იქორწინებს 18 წლის ასაკამდე;

1. 7 წლამდე ასაკის მცირეწლოვანი არის ქმედუუნარო; 2. ქმედუუნაროდ სასამართლოს მიერ მიიჩნევა პირი ჭკუასუსტობის ან სულით ავადმყოფობის გამო.

1. შვიდიდან თვრამეტ წლამდე ასაკის პირი ითვლება შეზღუდული ქმედუნარიანობის მქონედ; 2. სასამართლოს მიერ შეზღუდული ქმედუნარიანობის მქონედ შეიძლება ცნობილი იქნას პირი,რომელიც ბოროტად იყენებს ალკოჰოლს ან/და ნარკოტიკულ საშუალებებს და ოჯახს მძიმე მატერიალურ ზიანს აყენებს.

სამოქალაქო ურთიერთობებში შეზღუდული ქმედუნარიანობის მქონე პირი თავის უფლებებსა და მოვალეობებს ახორციელებს კანონიერი წარმომადგენლის თანხმობით