1. დაზარალებული შეიძლება იყოს ნებისმიერი ადამიანი, ორგანიზაცია და სახელმწიფო, რომელსაც მიადგა ან შეიძლება მიდგომოდა ფიზიკური, ქონებრივი ან მორალური ზიანი დანაშაულის ჩადენის შედეგად. 2. თუ დანაშაულის შედეგად გარდაიცვალა ადამიანი, დაზარალებულად იცნობა მისი რომელიმე ახლო ნათესავი.

1. იცოდეს ბრალდებულისათვის წარდგენილი ბრალდების არსი; 2. სასამართლოში მისცეს ჩვენება; 3. გაეცნოს მისი მონაწილეობით ჩატარებული საგამოძიებო მოქმედების ოქმს, მოითხოვოს მასში შენიშვნების, დამატებებისა და ცვლილებების შეტანა; 4. არ მისცეს ჩვენება, რომელიც დანაშაულის ჩადენაში ამხელს მას ან მის ახლო ნათესავს; 5. უფასოდ მიიღოს სისხლისსამართლებრივი დევნის ან/და გამოძიების შეწყვეტის შესახებ დადგენილების (განჩინების), განაჩენის, სხვა შემაჯამებელი სასამართლო გადაწყვეტილების ასლი; 6. მიიღოს პროცესში მონაწილეობის შედეგად გაწეული ხარჯების ანაზღაურება; 7. დაიბრუნოს გამოძიებისა და სასამართლო განხილვისათვის საჭირო დროებით ჩამორთმეული, მისი კუთვნილი ქონება; 8. პროკურორს მოსთხოვოს დაცვის სპეციალური ღონისძიების გატარება, თუ საფრთხე ემუქრება როგორც მის, ისე მისი ახლო ნათესავის ან ოჯახის წევრის სიცოცხლეს, ჯანმრთელობას ან/და საკუთრებას; 9. ინფორმირებული იყოს სასამართლო სხდომების ჩატარების ადგილისა და დროის შესახებ; 10. ინფორმირებული იყოს ბრალდებულთან/მსჯავრდებულთან საპროცესო შეთანხმების დადების შესახებ;