1. თუ შუამდგომლობა დაყენებულია გამოძიების სტადიაზე, შუამდგომლობა განხილული და გადაწყვეტილი უნდა იქნას მისი დაყენების მომენტიდან არაუგვიანეს 3 დღისა. 2. თუ შუამდგომლობა დაყენებულია სასამართლოში, შუამდგომლობა განხილული და გადაწყვეტილი უნდა იქნას დაუყოვნებლივ.

1. საჩივრის შეტანა შეიძლება სისხლის სამართლის პროცესის ნებისმიერ სტადიაზე; 2. საჩივრის შეტანა შეიძლება ათი დღის ვადაში მას შემდეგ, რაც მომჩივნისათვის ცნობილი გახდა იმ ქმედების ან გადაწყვეტილების თაობაზე, რომელსაც იგი ასაჩივრებს.

საჩივარი განხილული და გადაწყვეტილი უნდა იქნას საჩივრის შეტანიდან სამი დღეში.

1. დაკავების ვადა არ უნდა აღემატებოდეს 72 საათს. დაკავებიდან არა უგვიანეს 48 საათისა დაკავებულს უნდა წარედგინოს ბრალდება და პროკურორმა მოსამართლეს უნდა წარუდგინოს შუამდგომლობა აღკვეთის ღონისძიების გამოყენების შესახებ. შუამდგომლობის წარდგენიდან 24 საათში მოსამართლემ უნდა განიხილოს ბრალდებულის მიმართ აღკვეთის ღონისძიების გამოყენების საკითხი. 2. თუ დაკავების მომენტიდან დაკავებულს 48 საათში არ წარედგინა ბრალდება და სასამართლოში არ იქნა შეტანილი შუამდგომლობა აღკვეთის ღონისძიების გამოყენების შესახებ, დაკავებული დაუყოვნებლივ უნდა გათავისუფლედეს. 3. თუ აღკვეთის ღონისძიების გამოყენების თაობაზე შუამდგომლობა სასამართლოში მისი შეტანიდან 24 საათში არ იქნა განხილული, დაკავებული უნდა გათავისუფლდეს.

პატიმრობა არის სასამართლოს მიერ შეფარდებული ყველაზე მძიმე ხასიათის აღკვეთის ღონისძიება.

ბრალდებულის პატიმრობის ვადა არ უნდა აღემატებოდეს 9 თვეს. ამ ვადის გასვლის შემდეგ ბრალდებული უნდა გათავისუფლედეს პატიმობიდან.

1. აღკვეთის ღონისძიების გამოყენების, შეცვლის ან გაუქმების შესახებ განჩინების გასაჩივრება შესაძლებელია მისი გამოტანიდან 48 საათის განმავლობაში, სააპელაციო სასამართლოს საგამოძიებო კოლეგიაში. 2. სააპელაციო სასამართლოს საგამოძიებო კოლეგია საჩივარს იხილავს მისი შესვლიდან 72 საათში. სააპელაციო სასამართლოს გადაწყვეტილება აღარ საჩივრდება.

1. პირველი ინსტანციის სასამართლოს განაჩენი შეიძლება გასაჩივრდეს სააპელაციო სასამართლოში, განაჩენის გამოცხადებიდან ერთი თვის ვადაში. 2. სააპელაციო სასამართლოს განაჩენი მისი გამოცხადებიდან ერთი თვის ვადაში შეიძლება გასაჩივრდეს საქართველოს უზენაეს სასამართლოში.