შრომითი ურთიერთობა შეიძლება შეწყდეს შემდეგ შემთხვევებში: 1. სრულად შესრულდა ხელშეკრულებით გათვალისწინებული სამუშაო; 2. გავიდა შრომითი ხელშეკრულების მოქმედების ვადა; 3. ერთ-ერთი მხარის მიერ დაირღვა შრომითი ხელშეკრულების პირობები; 4. ხელშეკრულების მხარეთა შეთანხმება; 5. ხელშეკრულება მოიშალა დამსაქმებლის ან დასაქმებულის ინიციატივით; 6. დასაქმებულის მიმართ გამოტანილია სასამართლოს გადაწყვეტილება, რომელიც გამორიცხავს დასაქმებულის მიერ სამუშაოს შესრულებას; 7. დასაქმებულის შრომისუუნარობის პერიოდი აღემატება ზედიზედ 30 დღეს; 8. 6 თვის განმავლობაში შრომისუუნარობის პერიოდი მთლიანობაში აღემატება 50 დღეს; 9. დაწყებულია დამსაქმებელი ორგანიზაციის ლიკვიდაცია.

1. შრომითი ხელშეკრულების დამსაქმებლის ინიციატივით მოშლის შემთხვევაში დასაქმებულს მიეცემა არანაკლებ ერთი თვის შრომის ანაზღაურება. 2. დამსაქმებელი ვალდებულია დასაქმებულთან მოახდინოს საბოლოო ანგარიშსწორება არა უგვიანეს 7 კალენდარული დღისა.

დასაქმებულთან შრომითი ხელშეკრულების მოშლა დაუშვებელია, თუ 1. დასაქმებული გაიფიცა; 2. დასაქმებული მონაწილეობს არჩევნებში; 3. დასაქმებული გამოცხადებულია საგამოძიებო, პროკურატურისა და სასამართლოს ორგანოებში; 4. დასაქმებული გაწვეულია სამხედრო სავალდებულო სამსახურში ან სამხედრო სარეზერვო სამსახურში; 5. დასაქმებული სარგებლობს შვებულებით; 6. დასაქმებული სარგებლობს შვებულებით ორსულობის, მშობიარობისა და ბავშვის მოვლის გამო; 7. დასაქმებული დროებით შრომისუუნაროა და შრომისუნარიანობის ვადა არ აღემატება ზედიზედ 30 დღეს, ხოლო 6 თვის განმავლობაში მთლიანობაში შრომისუუნარობის ვადა არ აღემატება 50 დღეს.