ბრალდებული არის პირი, რომლის მიმართაც არსებობს დასაბუთებული ვარაუდი, რომ მან ჩაიდინა დანაშაული.

დაკავებისთანავე ან თუ დაკავება არ მომხდარა, პროკურორის მიერ დადგენილების გამოტანის მომენტიდან.

1. ადვოკატის ყოლის უფლება; 2. დუმილისა და კითხვებზე პასუხის გაცემისაგან თავის შეკავების უფლება; 3. დაკავების ან დაპატიმრებისთანავე მოითხოვოს უფასო სამედიცინო შემოწმება და მიიღოს შესაბამისი წერილობითი დასკვნა. 4. დამოუკიდებლად ან ადვოკატის მეშვეობით, სრული მოცულობით ჩაატაროს გამოძიება, რაც გულისხმობს: • მოიპოვოს და წარადგინოს მტკიცებულებები; • მოითხოვოს საგამოძიებო მოქმედების ჩატარება და გამოითხოვოს მტკიცებულება, რომელიც მისთვის სასარგებლო იქნება; • მონაწილეობა მიიღოს მისი ან/და მისი ადვოკატის შუამდგომლობით ჩატარებულ საგამოძიებო მოქმედებაში; 5. მოითხოვოს ადვოკატის დასწრება მისი მონაწილეობით ჩატარებულ საგამოძიებო მოქმედებაში; 6. ისარგებლოს თარჯიმნის მომსახურებით სახელმწიფოს ხარჯზე, თუ არ იცის ან სათანადოდ არ იცის სახელმწიფო ენა ან აქვს ისეთი ფიზიკური ნაკლი, რომელიც თარჯიმნის გარეშე მასთან კომუნიკაციას გამორიცხავს; 7. დაკავებისთანავე ან დაპატიმრების შემთხვევაში თავისი ოჯახის წევრს ან ახლო ნათესავს შეატყობინოს დაკავების ან დაპატიმრების ფაქტი და ადგილსამყოფელი, თავისი მდგომარეობა; 8. მოითხოვოს და მიიღოს უკანონოდ ჩატარებული საპროცესო მოქმედების შედეგად მიყენებული ზიანის ანაზღაურება; 9. გაეცნოს სისხლის სამართლის საქმის მასალებს, ასევე უსასყიდლოდ მიიღოს მათი ასლები; 10. მონაწილეობა მიიღოს მისი ბრალდების საქმის გამოძიებასა და სასამართლო განხილვაში; 11. გაასაჩივროს გამომძიებლის, პროკურორის და სასამართლოს გადაწყვეტილებები; 12. ბრალდებულს უფლება აქვს არ მიიღოს მონაწილეობა საგამოძიებო მოქმედებაში ან მისი საქმის სასამართლო განხილვაში.

ბრალდებულის მიერ დუმილის უფლების გამოყენება არ შეიძლება ჩაითვალოს მის მიერ დანაშაულის ჩადენის დამადასტურებელ მტკიცებულებად

1. ბრალდებულს უფლება აქვს თავად აირჩიოს ადვოკატი რომელიც დაიცავს მის უფლებებს. იმ შემთხვევაში, თუ ბრალდებულს არ აქვს საშუალება დაიქირავოს ადვოკატი, მას შეუძლია მოითხოვოს ადვოკატის მომსახურება სახელმწიფოს ხარჯზე; 2. ბრალდებულის ურთიერთობა მის ადვოკატთან კონფიდენციალური და თავისუფალია; 3. კონფიდენციალურია ასევე ბრალდებულის ურთიერთობა ადვოკატთან, რომელიც მას ჰქონდა ბრალდებულად ცნობამდე; 4. დაკავებული ან დაპატიმრებული ბრალდებულისა და ადვოკატის შეხვედრაზე შეიძლება დაწესედეს მხოლოდ ვიზუალური კონტროლი.